Naka alerto eon ro tanan nga mga estasyon it Philippine Coast Guard ukon PCG Western Visayas sa posibleng pagpanaeasa it Bagyong Betty sa rehiyon.
Suno kay Coast Guard Commodore Jansen Benjamin, tagapaghambae it PCG-Western Visayas nga haum eon ro andang mga tawuhan ag mga deployable response groups engkaso nga may magtuhaw nga maritime incident.
Sanda sigon ro maga alalay sa mga lokal nga gobyerno sa posibleng rescue operations.
Sa pihak nga parte, gindugang pa ni commodore benjamin nga ro sea travel hay magadepende sa igapaguwa nga weather bulletin it pagasa kun sa siin umpisa kaina nga alas 5 it aga-aga hay owa pa it may ginpapanaog nga storm weather signal.
Raya hay nagakahueugan nga tanan nga mga saeakyang pangdagat hay pwede pang magbiyahe.
Kadungan kara, ginlaygayan nana ro mga residente nga maging alerto kamana man ro mga biyahero eabi eon ro mga turista nga nagaplano nga magbakasyon sa Boracay nga mag-monitor sa pinaka ulihi nga daeagan it paniempo agud nga malikawan ro pagka-stranded.
Tanan suno kana nga natungdan nga ahensiya it gobyerno hay gin-convene eon it office of civil defense rason nga planchado eon ro mga dapat nga obrahon partikular ro pagresponde sa pagtuhaw it baha .
