Ginpaabot it Philippine Coast Guard ukon PCG-Western Visayas nga nagapabilin sa 3,100 litro it oily water mixture ro nakolekta nanda sa ginapatigayon nga offshore oil spill cleanup sa Caluya, Antique.
Suno kay Commander Jansen Benjamin, PCG-Western Visayas spokesperson nga sa nagapadayun nanda nga paglimpyo sa bibi it baybay, nakakolekta eon sanda it 2,653 nga sako it oil-contaminated materials.
Sa pihak nga parte sa ginpatigayon nga pueong kaibahan ro international tanker owners pollution federation eakip ro mga representante halin sa Europa, gintalakay nanda ro disposal it natipon nga mga basura ag oily water mixture nga mabahoe nga hangkat sigon ro pagtransport halin sa temporary storage sa shoreline paagto sa barge.
Kinahangean sigon nga makasunod raya sa regulasyon it Department of Environment and Natural Resources ukon DENR ag PCG.
Doble kayod sigon sanda sa pagbantay sa natipon nga mga basura ag oily water agud nga indi makatuga it halit sa ikamayad nga eawas it mga residente ag makaangkon it double contamination.
Ginahueat pa makaron ro pinaka-ulihi nga resulta it water sampling it DENR agud nga matumod kon ano kataas ro contamination it tubi sa lugar
