KALIBO, Aklan—Nag-apela makaron ro Philippine Charity Sweepstakes Office (PCSO)-Aklan sa gobyerno probinsyal nga pasugtan eon ro uman nga operasyon it taeatapan.
Raya hay matapos nga ginpaidaeom eon ro probinsya sa General Community Quarantine (GCQ) umpisa Setyembre 8.
Suno kay Mr. John Martin Alipao it PCSO-Aklan nga nagpadaea sanda it sueat sa opisina ni Governor Florencio Miraflores angot sa andang hinyu.
Base sa ginpagguwa nga Executive Order No. 22 it gobernador hugut gihapon nga ginabawaean ro mga gaming operation sa pihak it ginpanaba nga quarantine classification.
Dugang pa ni Alipao nga umpisa ko buean it Agosto hay suspendido eon ro andang operasyon.
Nagakabaeaka sigon sanda nga base maubos ro pondo it taeatapan bangud owa it nagsueod nga panibag-ong revenue.
Nagapadayun man sigon ro andang pagtao it medical assistance pinaagi sa gintukod ng Malasakit Center.
