KALIBO, Aklan—Natapos eon it Person with Disability Affairs Office (PDAO)-Aklan ro pagpanupod it mga bulig pinansyal para sa mga Person with Disability nga estudyante nga naka-enroll sa nagkaeain-eain nga eskwelahan sa bilog nga probinsyal it Aklan.
Suno kay PDAO-Aklan Head Randy Rebaldo nga naglibot sanda sa mga kabanwahanan para ipaabot sa mga ginikanan ro nasambit nga educational assistance.
Ginpabugae pa kara nga mas pang ginpaeapad ag ginpasanyog ro programa kung siin naga-abot eon sa 1,067 ro kabilugan nga benepisyaryo.
Ro kada recipient suno kana hay nagbaton it tig P3,000 bilang bulig sa andang pagtuon makaron nga school year.
Ro programa hay ginpondahan it gobyerno probinsyal it P2.3 million makaron nga dag-on.
Tuyo kara nga mabuligan ro mga PWD student nga mapadayun ro andang pagtuon sa tunga it pandemya.
