Todo eon makaron ro pagpahaom it Provincial Disaster Risk Reduction Management Council ukon PDRMMC para sa igapatigayon nga National Simultaneous Earthquake Drill (NSED).
Suno kay PDRMMC head Mr. Galo Ibardolasa, ro earthquake drill hay pagahiwaton sa Marso 9 kon sa siin tuyo kara nga maipahaom ro publiko sa posibilidad nga pag-angkon it linog sa nasyon.
Ro pagiging preparado hay sa anumang kalamidad hay nakakaeowas ukon makapanaba it mga ninahan ag maging it numero it mga casualties engkasong may tumamang mabaskog nga linog.
Ginpahayag dugang ni Ibardolasa nga kabahin sa nasambit nga earthquake drills ro mga private ag government offices kon sa siin sa simpleng pagsunod it mga protocols kada may linog kaparehas it paghimo it “Duck, Cover and Hold” hay makaeowas it tagsa-tagsa ka kabuhi.
Antes nga mag-adto sa mga eowas nga lugar ukon gintaeana nga evacuation area hay siguraduhon nga natapos eon ro nabatyagan nga pag-uyog.
Samtang, kon una ka sa open area hay dapat likawan nga magpaeapit sa mga edipisyo ag poste it kuryente.
Mas makapamayad suno kay Ibardolasa nga may ideya ag kasayuran ro tanan para inde magkupag engkaso nga may mabatyagan ag maeksperyensyahan ro linog eabi eon kon ro mga pag-uyog hay mabaskog nga pwedeng makahalit it mga istraktura ag iba pang propyedad.
