KALIBO, Aklan–Ginklaro it Provincial Disaster Risk Reduction and Management Council ukon PDRRMC-Aklan nga owa pa sa gihapon nakaabot sa critical level ro naexperiensiyahan nga pagbaha-baha sa pilang ka mga kabanwahanan sa probinsya.
Suno kay Mr. Galo Ibardolasa it PDRRMC-Aklan nga ro mismong Hae-o River eamang sa banwa it Balete ro andang namonitor nga may una eun nga mataas nga lebel it tubi-baha.
Samtang sa banwa it Altavas hay may nairecord man sigon nga 104 ka mga pamilya nga ginbakwit matapos nga masoe-ob it baha ro andang panimaeay.
Sa Barangay Man-up sa banwa it Batan hay may mga nailista man nga pagbaha.
Samtang, sa Western part it Aklan hay ro sa banwa it Numancia eamang sigon sa may porsiyon it Aguila ro andang hugot nga ginabantayan.
Nagapabilin man suno kana ro 24/7 nga pag-monitor it mga muncipal disaster risk reduction and manangement office sa 17 ka mga kabanwahanan.
Nagpadumdom pa raya sa publiko nga maging mapagmatyag sa makarondaya nga sitwasyon.
Engkasong makabatyag eun nga mabutang sa malisod nga sitwasyon hay magbakwit eun ag indi paghueaton nga mag-grabe pa ro sitwasyon.
