KALIBO, Aklan–Padayon nga gina-monitor it Provincial Disaster Risk Reduction and Management Council ukon PDRRMC-Aklan ro kahimtangan it bagyong agaton agud nga masiguro ro kaeowasan it mga pumueuyu partikular ro mga naga-istar sa high risk areas.
Apang ginpahayag ni Action Man Galo Ibardolasa it PDRRMC-Aklan nga owa pa sanda it may nabaton nga report halin sa 17 nga MDRRMC nga may nailistang pagbaha ukon landslide sa andang natungdan nga mga lugar.
Suno kana nga bukon eamang it bagyong agaton ro andang ginabantayan kundi ro sambilog pang bagyo nga posible man nga magsueod sa Philippine area of responsibility ukon PAR nga may international name nga Malakas kamana man ro nasip-eatan nga low pressure area ukon LPA sa ubos it Palawan.
Ginasugid nga ro mga probinsiya it capiz ag portion it Iloilo kamana man ro negros occidental ro nakaexperiensiya it pagbaha ag mabaskog nga uean bangud nga ro nasambit nga mga lugar hay maeapit sa leyte nga imaw makaron ro sentro it bagyo.
Posible sigon nga makaangkon it fujiwara effect ro daywang bagyo kun sa siin ro mahinang bagyo nga si agaton hay pagahatakon it mabaskog nga bagyong si malakas paagto sa pacific ocean.
Sa pihak kara, activated suno kana ro andang emergency operations centers para sa anuman nga emerhensiya nga matabu.
