KALIBO, Aklan—Sigidas ro ginahimo nga monitoring it Provincial Disaster Risk Reduction Management Council (PDRRMC) sa kabilugan nga 17 kabanwahanan it probinsya it Aklan.
Raya hay kasunod gihapon it pagpanaeasa it bagyong Rolly ag bag-ong sueod nga bagyong Siony.
Suno kay Mr. Galo Ibardolasa it PDRRMC-Aklan nga padayun sandang nakatutok sa kada banwa eabi eon sa mga lugar nga maeapit sa baybayon agud nga malikawan ro grabeng kahalitan ag problema.
Maskin sigon idto nagapanaeasa sa Bicol region ro bagyong Rolly hay nababatygan man gihapon natun ro pag-uean-uean.
Sa pihak kara, magabantay man gihapon sanda agud matumod ro magiging epekto it bagyo.
Sa mayad nga swerte hay owa pa sigon sanda it nailistang landslide ukon pagbaha maeuwas sa ginpatigayun nga pre-emptive evacuation it banwa it Malay ag Nabas.
Nag-apela man raya sa mga pumueoyo nga magsunod sa ginapatuman ag mando it mga lokal nga gobyerno ag otoridad eabi eon kung ginakinahang-ean nga mag-evacuate.
