Nagapabilin nga naka-code blue alert ro Provincial Disaster Risk Reduction Management Office ukon PDRRMO Aklan hasta sa selebrasyon it pagsug-aeaw it Bag-ong dag-on.
Suno kay Manuel Jayfree Jismundo, chief of operation and warning section it PDRRMO Aklan nga ro tanan nga taeatapan it MDRRMO’s hay 24/7 ro andang operasyon kon sa siin haom ro mga raya ag nakaalerto sa tanan nga respondehan.
Ginaapela eamang nanda sa publiko nga likawan eon ro pagpaeopok eabi eon kon una sa impluwensya it aeak.
Mas makapamayad suno kana kon gumamit eon lang it torotot, magpatik it kaldero ukon kaeaha ag iba pang pampasangag bangud nga mas masadya ro imbukada it dag-on kon uwa it insidente nga naeokpan it mga firecrackers.
Dugang pa kara nga maging responsable ro tanan nga mga motorista.
Inde eon mag-uli ukon magpanaw pa kon inde eon kasarang nga magmaneho it behikulo.
Raya suno kana ro nagapangunang rason it aksidente sa mga daeanon.
Mas mayad sigon nga magpatawhay anay agud nga maumpawan bago magmaneho para makalikaw sa disgrasya.
Samtang, engkaso nga maeokpan it maskin anong klase it paeopok ag kon mabahoe ro nina hay daehon eagi sa pinakamaeapit nga ospital para sa nagakaigong medikasyon.
