KALIBO, Aklan—Ginpadumdum it Provincial Disaster Risk Reduction and Management Office ukon PDRRMO Aklan ro publiko angot sa peligro nga hatud sa paggamit it paeupok ag iba pang pyrotechnic device makaron nga paskwa ag bag-ong dag-on.
Suno kay kay action man Galo Ibardolasa it PDRRMO-Aklan sa ginpatigayon nga launching it Oplan Paalala Iwas Paputok campaign kaibahan ro iba pang natungdan nga ahensiya it gobyerno, ginlaygayan kara ro publiko nga indi eon maggamit it anuman nga paeupok agud nga malikawan ro disgrasya nga hatud it pyrotechnics kapareho it pagkanina, kamatayon, sunog ag iba pang untoward incidents.
Ginpahayag dugang nga tuyo it launching it Oplan Paalala Iwas Paputok campaign sa pagpanguna it Bureau of Fire Protection nga mapahagan-hagan kon indi man eubusan nga matapna ro fire incidents ag iba pang aksidente nga tuga it paeupok.
Suno kay Ibardolasa nga maggamit eon lang it iba pang alternatibong pamaagi sa pagsug-aeaw sa bag-ong dag-on kapareho it mga lata , kaldero ag iba pa nga makahimo it sangag sa baylo nga maggamit it paeupok nga nagatuga it peligro sa mga tawo ag komunidad.
