KALIBO, Aklan—Bukon eamang it covid-19 pandemic ro ginatutukan makarun it Provincial Disaster risk reduction management office ukon PDRRMO sa probinsya it Aklan kundi kaibahan man ro iba pang mga posibleng magtuhaw nga kalamidad.
Suno kay Mr. Jeff Jismundo it PDRRMO-Aklan makarun hay nagtukod sanda it incident management team nga imaw ro nagapanguna sa pagresponde it tanan nga adverse effect it mga kalamidad.
Kada banwa man sigon hay nagtukod eun kara, apang ro andang pagresponde hay nakadepende sa kung alin ro andang kinahangean nga taw-an it prayoridad.
Samtang ginpahayag man ni Jismundo nga may una man nga covid response team ro andang taeatapan nga imaw ro nakatutok sa pakikipagsukoe sa covid-19 pandemic.
Ro emergency responde team hay nakabantay man sa mga vehicular accident ag iba pang mga insidente ag aksidente nga nagatuhaw.
Ginpunto pa kara nga ro mga personnel it PDRRMO ag MDRRMO sa mga kabanwahanan hay kompleto it ginasuksok nga Personal Protective Equipment ukon PPE’s agud masiguro ro kaeuwasan kontra sa deadly virus.
Aminado man imaw nga malisod para kanda ro andang sitwasyon makarun mas kapin ag may ginasunod nga mga protocol.
Bangud kara, nag-apela man raya sa publiko nga indi anay magpakampante ag maging mapagmatyag sa kung ano man nga sitwasyon sa andang palibot.
