KALIBO, Aklan–Sigidas ro monitoring it Provincial Disaster Risk Reduction and Management Office (PDRRMO) kasunod it na-eksperyensyahan nga dire-diretso nga pagbubu it uean sa probinsya it Aklan.
Suno kay PDRRMO-Aklan head Mr. Galo Ibardolasa nga eubos nga naapektuhan it pag-uean ro Eastern side it probinsya.
Raya hay daea it Low Pressure Area (LPA) sa bahin it Palawan.
Makaron nga adlaw, nakalista it pilang mga pagbaha sa kabarangayan it Altavas, Batan, Banga ag Malinao samtang nakalista man it pagguho it eugta sa bahin it Brgy. Feliciano, Balete.
Suno kay Ibardolasa nga passable eon man makaron ro mga nasambit nga lugar bangud amat-amat eon nga nag-subside ro tubi-baha.
Hugot man suno kana ro andang ginapatigayun nga monitoring sa mga kasubuan sa bilog nga probinsya it Aklan.
Sa makaron hay nagapabilin pa nga manaba ro tyansa it LPA nga maging bagyo.
