KALIBO, Aklan—Ginkumpirma ni Provincial Disaster Risk Reduction and Management Office ukon PDRRMO-Aklan head Galo Ibardolasa nga owa nagtuga it kahalitan ro linog nga nag-eontad kahapon it agahon, kun sa siin, ro epicenter hay sa Cataingan, Masbate nga may kabaskugon nga magnitude 6.6.
Sa ginpatigayon sigon nga inspection sa istraktura it provincial capitol kamana man sa andang pagtawag sa iba pang banwa sa Aklan, nakumpirma nga owa it nailistang structural damages tuga it natabu nga pag uyog.
Ginpahayag pa ni Ibardolasa nga base sa andang obserbasyon hay na-apply it mga empleyado it kapitolyo ro andang natun-an sa earthquake drill bangud nga matapos nga mabatyagan ro pag uyog hay nag-drop, cover and hold ro mga raya ag nag evacuate sa open field sa may Goding Ramos park.
Sa pihak nga parte, base suno kana sa mga pagtuon, mas mayad nga kada dag-on hay naga-uyog it mahinay ro mga faultline agud nga malikawan ro mabaskog ag makahaealit nga linog kapareho it natabu sa aklan ko 1990 nga maabu nga mga istraktura ro nasamad.
