KALIBO, Aklan—Nagapadayun ro ginahimo nga monitoring it Provincial Disaster Risk Reduction and Management Office ukon PDRRMO-Aklan sa tanan nga mga kabanwahanan sa bilog nga probinsiya it Aklan partikular eun sa mga kasubaan.
Suno kay Galo Ibardolaza it PDRRMO-Aklan nga sa makarun hay naka-alerto sanda ag ginpasiguro man nga updated ro tanan sa andang ginapost nga update sa andang group chat mas kapin ro ginapagguwa nga weather bulletin it PAG-ASA.
Base man sigon sa andang mga nabatun nga report hay matawhay sa gihapon ro sitwasyon sa bilog nga probinsiya sa pihak it pagpaidaeum sa tropicla storm, signal number 1.
Owa man sigon it may nakit-an nga mabaskog nga hangin ag ro ginabantayan eamang nanda hay ro magiging epekto it sigidas nga paguean uean.
May kaangtanan kara, nagpadumdom man imaw sa publiko nga magiging responsable agud nga malikawan ro ano man nga magiging epekto it maeain nga paniyempo.
