KALIBO, Aklan—Nagpatigayon it Unity Walk, Peace Covenant Signing, ag Canditates Forum sa banwa it Balete agud nga i-promoto ro patas, malinong ag matawhay nga barangay ag sangguniang kabataan election 2023.
Suno kay P/Maj. Bryan Alamo, officer-in-charge it Balete Municipal Police Station, naging madinaeag-on ro nasambit nga aktibidad nga ginpasakupan it mga kandidato, andang mga supporters, Comelec, lokal nga gobyerno ag maabong iba pa.
Ginpahayag dugang ni P/Maj. Alamo nga nakaangkon man it misa pagkatapos it unity walk agud nga makaangkon it basbas ag giya para sumunod ro tanan sa natungdan nga laye angot sa paaeabuton nga election.
Angot kara, makasiguro man suno kay P/Maj. Alamo ro publiko nga himuon nanda ro tanan para sa seguridad ag kaeowasan it komunidad sa kabilugan it election period ag sa tanan nga oras.
