KALIBO, Aklan--Hugot ro pagpati ni BAYAN Muna Rep. Carlos Zarate nga gina sabotahe it gobyerno ro peace talks rason nga makapilang beses eon raya nga owa naga kadayun.
Suno kay Zarate nga indi kara maintindihan ro sa bahin it gobyerno nga naga pahayag nga bukas sa peace negotiation bangud sa kada may una eon nga agreement hay sanda man sigon ro unang naga atras.
Nasayuran nga Hunyo 28 ag Hunyo 30 konta iga padayun ro peace talks apang, owa raya nadayun matapos nga gin bawi it gobyerno.
Suno pa kana nga makapilang beses nga nagbinalik sa The Netherlands ro mga peace negotiators agud mag-dayalogo apang, kat pinal eon sigon ro agreement ag paga pirmahan eon it panel bilang preparasyon sa assessment, nag withdraw man ro bahin it gobyerno.
Gina alegar ni Zarate nga ro Department of National Defense, Department of Interior and Local Government ag National Security Council ro partikular nga naga batikos sa peace process ag masaming naga pahayag nga bukon it sinsero ro CPP-NPA-NDF.
Suno pa kana nga ro gobyerno ro bukon it haum sa peace process bangud gusto karang mapabilin ro status quo//nagapati man imaw nga raya ro may problema sa peace negotiations.
Gin pahayag dugang pa kara nga magkaiba ro opinion it magtimbang nga parte rason nga naga kinahangean it ensaktong proseso para sa negosasyon.
