KALIBO, Aklan – – – Arestado ro sangka pekeng dentist sa gin patigayun nga entrapment operation it mga otoridad sa Poblacion, Numancia.
Ro suspek hay gin kilaeang si Enrique Gadiano ag residente it nasambitang lugar.
Base sa report, nakabaton it report ro mga otoridad nga may sangka dentist nga naga patigayun it tooth extraction ukon paggabot it ngipon kamana man it pagpasta sa anang gina estaran nga owa it anuman nga dokumento ukon lisensiya agud mag operate.
Caught in the act si Gadiano sa anang illegal nga akibidades matapos nga sangka operatiba kara ro nagpakuno-kuno nga pasyente nga naga kinahangean ku anang serbisyo.
Kaeakip sa mga narekober sa panimaeay it suspek ro mga anesthesia, syringe, improvised dentist chair, impression tray ag marked money nga naga balor it 600 pesos.
Sa makaron hay gina pahaum eon it otoridad ro kasong iga pasaka kontra kay Gadiano.
