Kalibo Aklan——–Gusto ni Justin Street, 22 anyos nga magbahoe pa gid ro anang pagkaeaeaki.
Rason nga naisipan nana nga pa-injectionan raya it silicone agud nga magbahoe.
Apang ro paghandum nana ro naging daean para mamatay si Justin.
Namatay si Justin matapos nga magtambong sa sangka party.
Nakaangkon sigon it blood clot sa baga si Justin.
Sangka medical examiner ro naghambae nga namatay si Justin bangud sa silicone embolism.
Ro nagturok it silicone kay Justin hay nakilaeang si Kasia Rivera, 34 anyos, it New Jersey nga nagpakilaeang doctor.
Suno sa police report, nag agto si Justin sa baeay ni Casia para sa penis enhancement procedure.
Insigida man nga ginpatigayon ro pagbutang it silicone sa kinatawo ni Justin.
Matapos ro procedure hay eubus ro kalipay ni Justin bangud nga nagbahoe ro anang pagkaeaeaki.
Nakaangkon it imbestigasyon ag gin aresto si Rivera.
Ginkasuhan imaw it manslaughter.
Ginkasuhan man imaw it unauthorized practice of medicine.
Kapin sa $75,000 dollars ro gintaeana nga piyansa para sa anang temporaryong kahilwayan .
Suno sa Food and Drug Administration (FDA) sa US ro anda eamang nga gina aprubahan hay ro Botox kun sa siin non-encapsulated medical silicone ro ginagamit.
