Uman nga nagpadumdom ro mga eksperto angot sa peligro nga daea it paggamit it mga paeupok makaron nga tyempo it Kapaskwahan.
Suno kay Dr. Sarah Huyong, Municial Health Office it Tangalan nga kada dag-on hay nakakalista sanda it pagtaas sa numero it mga firecracker related injuries.
Ko nagtaliwan nga dag-on, kapin sa 16 ro nabiktima it paeupok sa bilog nga probinsya it Aklan.
Pila sigon sa mga posibleng maangkon sa bukon it tama nga paggamit kara hay ro pagkapaso, pagkasunog it panit, eye injury ag pagkaputoe it parte it eawas.
Raya hay nagakatabo sa linibo nga mga Filipino sa bilog nga nasyon kada buean it Disyembre ag Enero.
Base sa datus, kaeabanan sa mga nahalitan hay naga-edad 4 hasta 53 anyos kung siin 71 porsyento sa mga biktima hay kaeaeakin-an
