Kumpyansa ro pencak silat players it team Aklan nga makakuhit it bueawan nga medalya sa nagapadayon nga Western Visayas Regional Athletic Association ukon WVRAA Meet 2023.
Suno kay Cherry Mae Regalado, trainor it pencak silat it team Aklan nga pagapamatud-an it mga aklanong atleta ro andang kinaiya ag kamayad sa final games makaron nga adlaw.
Ro goal sigon hay para sa gold medals kon sa siin raya sa makaron ro andang tinguhaon nga mapasaalima bangud nga kilaea ro Aklan sa pagproduce it mga mayad nga pencak silat players kon sa siin ro mga iba sa mga raya hay nagapahaom makaron para sa Southeast Asian ukon SEA Games 2023 nga igapatigayon sa nasyon it Cambodia sa Mayo 5 hasta it 17.
Ginpahayag dugang ni Regalado nga uwa sanda nagkuean sa training kon sa siin naging strikto sanda ag ginbuhos ro tanan bangud nga may pattern sanda nga ginasundan rason nga kumpyansa sanda nga kanda gid maadto ro buean nga medalya.
Nasayuran nga si Regalado hay SEA Games silver medalist ag nag-uli sa aklanon it mabahoe nga kadungganan.
