KALIBO, Aklan—Ginpahayag it Provincial Environment and Natural Resources Office ukon PENRO-Aklan nga kada sambilog katon hay dapat nga magpakita it suporta sa environmental protection.
Raya hay kasunod sa selebrasyon it Earth month makaron nga buean it Abril.
Suno kay Merlene Aborka, PENRO-Aklan Officer nga kinahang-eang suportahan ro mga pollinators kaparehas it mga bubuyog, butterflies, ag pispis bangud nga nagabulig raya sa natural nga pagpaumwad it mga tanom ag bungang kahoy.
Limitahan ro paggamit it mga plastic kon sa siin mabuhay eon nanda raya nga kampanya ag kon pwede eamang nga maipatuman ro ‘zero plastic’ sa aton nga komunidad.
Mag-eowas kara, ugalion nga magtanom it mga nagkaeain-eain nga klase it punong kahoy, mga wild flowers ag native plants.
Ginpahayag dugang ni Aborka nga ro kada household hay dapat i-apply ro reduce, reuse and recycle ukon 3Rs kon sa siin pwedeng maobra nga compose sa mga hardin ro aton nga mga residual waste.
Dugang pa ni Aborka nga pwede pa kitang makaeagas para sa aton nga kontribusyon para masalbar ro inang kalikasan.
