KALIBO, Aklan—Gin-engganyo it Provincial Environment and Natural Resources Office ukon PENRO-Aklan nga ugaliong adlaw-adlaw hay dapat maging Earth day.
Suno kay Merlene Aborka, PENRO-Aklan Officer nga kinahang-ean naton nga magtaeana it oras ag effort kon paano naton amligan ro aton nga kalikasan.
Dapat ro kada sambilog katon hay isakabuhi ro pag-amlig sa palibot.
Madumduman nga ginaselebrar ro Earth Month makaron nga Abril nga may temang, “Invest in our planet”.
Ginapaabot kara sa tanan nga dapat hagan-haganon ro mga aktibidad nga nagata-o it pollution ag makabig nga factor nga eubusang masamad ro ozone layer it kalibutan.
Nauna eon nga ginselebrar ro earth day sa pagpanikasog it mga organisyasyon kaparehas it UN kaibahan ro nagkaeain-eain nga environmental groups and government agencies.
Sa pihak nga parte, panugyan ni Aborka nga kinahang-ean eon naton nga maghueag ag maging matiyaga sa nagkaeain-eain nga aktibidad para malikawan ro air ag water pollution nagaabot sa climate change ag global warming.
Dugang pa kara nga kinahang-ean naton nga maging innovative nga maghimo it pamaagi para makabulig sa pag-amlig sa palibot nga masalbar ro mother earth.
Gin-insister pa ni Aborca nga kinahang-ean naton nga ibalik kon anu ro nasamad sa aton nga palibot.
