KALIBO, Aklan–Nagpatigayon ro lokal nga gobyerno it Aklan it road clearing operations sa pagpanguna it Provincial Engineering Office ukon PEO sa mga daeanon nga sakop it Brgy. Aparicio sa banwa it Ibajay.
Raya hay kasunod it natabu nga maeapnagon nga pagbaha ko sabado nga adlaw tuga it low pressure area ukon LPA.
Bangud sa insidente nakaangkon it mga pagkahugos it eugta ag pagbara it mga natumba nga mga puno it kahoy.
Sa makaron hay passable eon ukon pwede eon nga maagyan it mga residente ag mga motorista ro nasambit nga lugar.
Nasayuran nga sambilog ro namatay sa Brgy. Afga sa banwa it Tangalan matapos nga anuron it tubi-baha samtang ginatos nga mga residente ro gin-evacuate partikular sa eastern side it aklan matapos ro naexperiensiyahan nga pagbaha kasunod it owa it untat nga pag-inuean ko weekend.
Pila sa mga apektadong banwa hay ro Balete, Altavas, Batan, Banga, malinao ag iba pa.
