Para mapabilin nga eowas sa African Swine Fever ukon ASF vrius ro banwa it Kalibo, strikto makaron nga ginaimplementar it Municipal Agriculturist Office ro executive order ni Kalibo mayor Juris Sucro.
Suno kay Dra. Janna Rose Nepumoceno, Veterinarian 1 it MAO nga kinahang-ean ro permit to transport ag barangay certification bago makasueod sa Kalibo ro mga baboy nga ginapakatay para sa commercial ukon pang personal consumption agud nga masayuran kon sa siin nga lugar raya maghalin.
Ginadumilian man sigon ro pagkatay it baboy sa mga ugsaran kundi sa slaughter house gid raya daehon.
Raya hay bilang pagprotekta man sa mga hog raisers bangud nga may nailista eon nga kaso it ASF sa mga kaeapit banwa.
Ginpasiguro man ni Dra. Nepomuceno nga sa kaabuon it nagabuoe it permit hay masarangan nanda raya nga sikyaron kada sambilog para eamang masiguro nga uwa it senyales ukon anumang sintomas it ASF ro magasueod sa banwa.
Panugyan nana sa mga hog raisers nga inde gid magta-o it damog sa andang mga alaga nga baboy ag likawan anay ro mga putos maghalin sa fiestahan.
