KALIBO, Aklan—Personal nga gin-adtunan ag gin-inspeksyon it Municipal Disaster Risk Reduction Management Council ukon MDRRMC-Malinao ag ni Malinao mayor Jojo Iquiña kahapon it agahon ro kahalitan it nag-eontad nga landslide sa daeanon nga sakop it Brgy. Sipac, Malinao.
Raya hay kasunod it pagpanaeasa it bagyong Quinta sa probinsya it Aklan ag pilang parte it nasyon.
Suno kay Punong Barangay Ramonito R. Hungay it nasambitang lugar nga gin-impormahan imaw it andang Barangay Health Worker (BHW) angot sa insidente kung sa siin insigida nana nga gin-adtunan ro lugar.
Agud nga ma-protektahan ro mga naga-agi nga motorista ag pumueoyo ginpakamayad sigon nandang butangan it cordon ro area kung sa siin one way eamang it karsada ro pwedeng gamiton.
Ginpahayag dugang nga ro karsada hay proyekto it Provincial Engineering Office ukon PEO.
Ginapatihan nga bangud sa mabaskog nga pagbu-bo it uean hay eumapaw ro tubi sa kanae halin sa pinakaibabaw it bukid kaibahan ro mga natipak nga eapok rason para bumigay ro eugta ag magresulta it landslide.
