KALIBO, Aklan—Gindeklara nga national holiday ro Pebrero 14 sa nasyong Peru.
Bangud kara, ginpahayag ni Bombo International Correspondent Keibe Kreimer nga may bastanteng tiempo ro mga pumueuyu agud nga maplanuhan ro selebrasyon kaibahan ro andang mga mahae sa kabuhi.
Owa man sigon it excuse ro mga magkarelasyon nga makalipatan ro espesyal nga adlaw bangud nga pista opisyal ro adlaw it tagipusuon.
Gindugang pa ni Keibe nga ro adlaw it paghigugma, romance ag passion hay ginatawag nga Día del Amor y la Amistad ukon day of love and friendship.
Raya ro tiempo nga maipakita ro pagpalangga ag affection sa special someone, amigo, pamilya ag katrabaho pinaagi sa pagbaeayluhan it mga regalo.
Kon sikat ro red roses sa raya nga okasyon, sa Peru mas ginapili nanda ro orchids.
Samtang, mas gusto man it mga Peruvians ro romantic experience kaysa nga magtau ukon magbaton it regalo.
Halimbawa kara ro pag-agto sa mga park, restaurant ag iba pang romantic spots sa lugar.
