Kalibo, Aklan–Ginklaro ni Punong barangay Roselyn Dela Rosa it Andagao, Kalibo nga hasta makaron hay owa pa nakabuoe it permit halin sa anang opisina ro peryahan nga presenteng nagapatigayun it operasyon sa anang nasakupan.
Suno kay Kapitan Dela Rosa nga sambilog sa mga rekisito sa pagtukod it negosyo ukon pag-umpisa it anumang operasyon ro pagbuoe it barangay pemit.
Ginsaysay man kara nga insigida imaw nga nag-adto sa area kat naga-umpisa pa eamang sa pagplastar it gamit ro taga-peryahan para usisaon ag abisuhan nga punduhon anay ro pagpatindog kara bangud owa pa sanda nakabuoe it permit.
Pagkatapos kara hay nag-adto imaw sa Kalibo Municipal Police Station para ipahisayod ro hitabo apang suno sigon sa mga kapulisan hay indi pa sanda pwedeng maghueag bangud owa pa masayuran kung ano nga klaseng negosyo ro igapatindog.
Ginpaathag pa it opisyal nga dapat magpakita sa andang barangay ro tag-ana it natungdan nga peryahan bilang pagtao it respito kanda.
