KALIBO, Aklan–Madinaeag-on nga naumpisahan it Provincial Employment and Services Office ukon PESO-Aklan ro pagnupod it school assistance para sa mga skolars it Education for Development Scholarhip Program (EDSP) ku nagtaliwan nga Enero.
Raya nga nasambit nga scholarship hay programa it Overseas Workers Welfare and Administration ukon OWWA.
Suno kay Marsh Bernabe, PESO-Aklan Manager nga ro nasambit nga programa hay nagatao it scholarship sa mga beneficiary it OFW nga miyembro it andang taeatapan.
Dugang pa kara nga ro kwalipikado eamang nga puweding mag-apply sa nasambit nga programa hay ro mga OFW nga may kapin sa 600$ ukon 30,000 pesos panaba nga sweldo kada buean.
Samtang, limitado eamang sigon ro maka-angkon it programa bangud sa kada probinsya kapin sa 25 scholars eamang ro makasueod.
Nasayuran nga kapin sa 13 scholars ku nagtaliwan nga school year ro naka-angkon it scholarship ag 12 man para sa paea-abuton nga 2022-2023 school year.
Paga-umpisahan man sa Agostp 1 hasta 31 ro pagbaton it bag-ong skolars antes i-sumite sa OWWA-6 para sa pinal nga pagpili.
