KALIBO, Aklan–Padayun ro panawagan it pamunuan it Provincial Employment and Services Office ukon PESO-Aklan sa mga benepisyaryo it TUPAD Program nga owa pa nakabaton it andang cash assistance.
Suno kay Vivian Ruiz-Solano, Manager it PESO-Aklan nga kapin sa 46 pa nga indibidwal ro owa nakaadto sa andang opisina halin sa kabilugang 3,499 nga mga benepisyaryo.
Ginapahayag nga nag-payout eon sanda ko Disyembre 21 hasta 22 kung siin ro kada recipient hay magabataon it kapin sa P3,950 pesos.
Ro kwalipikado sigon sa TUPAD Program it Department of Labor and Employment (DOLE) hay mga indibidwal nga owa pa nakabaton it anumang financial assistance halin sa gobyerno.
Maid-id sigon nanda raya nga gina-validate para masiguro nga indi magdoble ro mabaton nga ayuda.
Ro nasambit nga programa hay may pondong naga-abot sa P15 million pesos halin sa tatlong ka mga senador.
Bangud nga owa pa eubusang naipanupod ro kwarta, ginpakamayad sigon nanda nga paeawigon ro payout it hasta sa Miyerkules, Disyembre 29 it udtro adlaw.
Engkaso nga indi gihapon mabuoe it mga natungdan nga benepisyaryo ro andang sweldo hay igabalik sigon nanda ro kwarta sa regional office it DOLE.
Sa makaron, padayun man ro andang pag-encode ag cross matching sa mga pangaean it 2,535 nga indibidwal nga kaparte it last batch it TUPAD kung siin ro pondo hay maghalin sa opisina ni Senator Christopher “Bong” Go.
