-- ADVERTISEMENT --
Sueod eon sa semifinals round si Pinay boxer Nesthy Petecio matapos pyerdihon si Zichun Xu it China sa quarterfinals it women’s 57 kgs. Boxing it 2024 Paris Olympics.
Halin sa umpisa hasta sa katapusan hay naging agresibo ro Pinay boxer ag nakuhit ro unanimous decision nga pagdaog.
Gintinguhaan pa it Chinese boxer nga mag-eagas sa ulihing round apang naging hugot ro depensa ni Petecio ag nakipagsabayan.
Bangud kara hay sigurado eon ro medalya ni Petecio ag sangka daog eon lang para sa gold medal round kon sa siin may tsansa raya nga maeampasan ro anang silver medal sa Tokyo Olympics ko nagtaliwan nga tatlong dag-on.
