Nagapati ro Philippine Economic Zone Authority (PEZA) nga andang maabot ro dag-unang investment target sa nasyon.
Ginhambae ni PEZA director general Tereso Panga, nga maskin nga manaba ro unang semester it investments nga naaprubahan it PEZA hay indi maduea ro andang pagsalig nga maabot ro P200 bilyon hasta it P250 bilyon nga annual investment.
Sa unang semester abi hay umabot eamang sa P45.48-B ro mga investments nga andang naaprubahan sa 44 percent nga mas manaba sa P80.59-B ko nakataliwang dag-on sa parehas nga buean.
Nagapati man ro opisyal nga kayang maabot ro investment approval goal makarong dag-on bangod eon man sa projections it maabong mga economista ag ro credit ratings it mga institusyon nga ro ekonomiya hay maganami sa ikaywang parte it dag-on.
