Pagatutukan it Philippine Economic Zone Authority (PEZA) ro pagtukod it maabung oil depots, refineries, agro-industrial ag renewable energy special economic zones sa pagsueod it administrasyong Marcos.
Suno kay PEZA Director General Charito Plaza, ro sangka pamaagi eamang agud nga makabangon halin sa pangkalibutanon nga paeag hay maging “self-sustaining” ag “self-reliant” eabi eon sa produksyon it langis ag pagkaon.
Kinaghangean suno kana nga pabaskugon ro manufacturing ag refinery pinaagi sa pagpanipueos sa bugana nga eugta, “natural ag human resources” sa responsableng pamaagi.
Mabahoe suno kana ro maibulig it oil depot ag refinery special economic zones agud nga masabat ro krisis sa langis ag mapanaba ro presyo it pagkain ag iba pang nagapangunang baeak-eon.
Nagapati ro opisyal nga kon pagagamiton ro natural resources sa pagtukod it bag-ong ecozones hay mapundo eon ro pag-export it raw minerals ag sa baylo hay makahimo pa it de-kalidad nga produkto.
Ginpasiguro man ni Plaza nga maga-obra sanda it smart ag digitalized ecozones nga indi makasamad sa palibot.
