SPORTS News–Nagaeaum si Philippine Football Federation (PFF) president Mariano “Nonong ” Araneta nga makaboue it bulig pinansiyal sa gobyerno ro Philippine women’s national football team nga Filipinas.
Ro nasambit nga panawagan hay bangud sa nagahilapit nga pagsabak it Filipinas sa FIFA Women’s World Cup sa buean it Hulyo sa New Zealand.
Ginpahayag pa ni Araneta nga umpisa kat ma-qualified ro Filipinas hay nag-umpisa eon ro andang pagpahaom para sa Asian Cup ko Enero it nagtaliwan nga dag-on kun siin nagpatigayon pa sanda it training camp sa US.
Ulihing kahigayunan nga nakaboue sanda it bulig hay ko nagtaliwan nga dag-on kat maging host sanda it AFF Women’s Championship kun siin nagkampeon asanda.
Nagabalor sigon raya it P10 milyon apang masobra pa ro andang nagastos ag eubos eon ro andang pagpasaeamat bangud sa may gintao man nga pondo ro FIFA ag ASEAN.