National News ———Humampak eon sa 471,526 ro kabilugang numero it COVID-19 cases sa Pilipinas suno sa Department of Health (DOH).
Sa ikatlong sunod nga adlaw, nag-report ro ahensya it manaba sa 1,000 nga bag-ong kaso it coronavirus.
Apang, kahapon nga adlaw it Martes hay nag-report ro DOH it 886 new cases.
Nauna eon nga ginpahayag it ahensya nga may nakikita sandang decreasing trend sa COVID-19 cases hasta sa unang dominggo it Enero bangud nabawasan ro numero it mga tawong nagapa-test.
Pilang laboratoryo man sigon ro nagpondo it operasyon ko Christmas weekend.
Ro Davao City ro nagapanguna sa mga lugar nga may pinakamataas nga numero it mga bag-ong kaso nga kapin sa 61, ginsundan it Pampanga nga may 58, Bulacan ag Quezon City nga parehong may 45 new cases, ag Cavite nga may 37.
Kapin sa 23,348 pa ro mga active cases ukon nagapamayad.
Nagaabot eon sa 439,016 ro nagmayad matapos madugangan it 253 new recoveries makaron nga adlaw.
Samtang, ro listahan it mga namatay nadugangan man it 38 rason nga ro total deaths hay 9,162 eon.
