Ginpatuman eon it Pilipinas ro visa-free entry para sa mga turistang halin sa India umpisa makaron nga adlaw, Hunyo 8 bilang tikang para pabaskugon ro turismo ag padaeumon ro relasyon sa tunga it daywang nasyon.
Suno sa Department of Foreign Affairs (DFA), pwedeng magtinir ro mga Indian nationals sa nasyon nga uwa it visa hatsa 14 nga adlaw.
Kinahangean eang nga magpresenta it valid passport nga may bisa it indi magnaba sa an-om nga buean, confirmed hotel booking, pamatuod it kapasidad sa pinansyal, ag ticket pabalik ukon paadto sa masunod nga destinasyon.
Para man sa mga Indian citizens ngga may valid na American, Japanese, Australian, Canadian, Schengen, Singapore, ukon United Kingdom (AJACSSUK) visa ukon residence permit, pagapasugtan sandang magtinir nga uwa it visa hasta 30 adlaw, basta makatao man it parehong dokumento.
Mageuwas kara, pwedeng mag-apply ro mga kwalipikadong Indian nationals para sa e-Visa sa opisyal nga website, apang ro e-Visa hay indi pwedeng i-extend ukon i-convert sa iba pang visa type ukon status.
