-- ADVERTISEMENT --
Nakikipagdayalogo eon ro gobyerno it Pilipinas sa Amerika para makabuoe it suplay it bakuna kontra sa sakit nga Monkeypox.
Raya hay kasunod it pagkadetect it unang kaso it zoonotic disease sa nasyon nga ginkumpirma it Department of Health (DOH).
Suno kay Health Undersecretary Beverly Ho, piling grupo it populasyon nga kinahang-ean mabakunahan ro paga-unahon bangud owa pa it masyadong available nga suplay it nasambit nga bakuna makaron sa merkado.
Nauna eon nga ginpahayag it United States Centers for Disease Control and Prevention, owa pa it specific treatment para sa monkeypox apang posibleng gamiton ro antiviral drugs ag vaccines nga nadevelop para sa smallpox para mabuoeng ro viral disease.
