Igadihon it mga mamalidha ag party-list groups nga maibalik ro Philippine history sa K-12 curriculum matapos ro naging pahayag it aktres nga si Ella Cruz nga gintuead ro kasaysayan it nasyon sa chismis.
Pareho nga ginpunto nanday Kabataan Party-list Representative Raoul Manuel ag ACT Teachers France Castro kamana man it Gabriela party-list ro kinanghaeanon nga maibalik uman ro pagturo it kasaysayan it nasyong Pilipinas sa K-12 curriculum.
Kasunod kara, gindihon ni Castro ro House Bill 207 bilang kaparte sa anang nagapanguna nga proposisyong laye sa 19th Congress ag una sa 10 umpisa sa anang priority bills ku nagtaliwan nga Hunyo 30.
Nauna eon nga gindihon ro nasambit nga proposisyon ku nagtaliwan nga 18th Congress kasunod eon man sa panawagan it mga professional organizations ag advocates it Philippine ZHistory.
Gin-insister pa ni Castro nga ginpamatud-an eamaang nga kinahangean eon gid nga ibalik ro Philippine history bilang asignatura sa sekondarya bangud sa ginakabig eamang sigon it iba bilang tsismis raya para baliskaron ro kasaysayan.’
Ginhangkat man ni Castro si incoming Education Secretary Sara Duterte-Carpio ag ro gobyerno nga siguraduhon nga indi magatakpan it curriculum ro historical revisionism ag denialism it mga pagkasaea nga nagtatak sa kasaysayan kontra sa pumueoyong Pilipino.
Nasayuran nga ro aktres nga si Ella Cruz ro magatindog bilang Irene Marcos sa sangka pro-Marcos film.
