Nagapati si Leyte 1st District Representative ag dating House Majority Leader Martin Romualdez nga magiging mas mabaskog pa ro bilateral ties it Pilipinas ag Korea sa administrasyon ni Pang. Ferdinand “Bongbong” Marcos Jr.
Nagpueong ko kan-o eamang ro pilang mga executives it Pilipinas kaibahan ro andang Korean counterpart.
Ginpangunahan ni Rep. Romualdez ro Philippine delegation.
Nakipagpueong ro grupo ni Romualdez kay Korea’s Majority Leader Kweon Seong Dong kun sa siin andang gin-istoryahan ro koneksiyon ag kooperasyon it daywang nasyon.
Ginpatigayon ro pagpueong sa may bahin it Manila Golf and Country Club sa Makati City ko Biyernes.
Kaibahan sa Philippine delegation ro ilang mamalidha nga sanday Reps. Maricar Zamora (Davao de Oro), David Suarez (Quezon), Geraldine Roman (Bataan), Manuel “Mannix” Dalipe (Zamboanga City), Antonio “Tonypet” Albano (Isabela) ag presidential son Ferdinand Alexander “Sandro” Marcos (Ilocos Norte).
Nakilaea man ro mga miyembro it Korean delegation nga sanday Korean Ambassador Kim Inchul, Seo Il Jun, Yang Khum Hee. Kim Sun Kyo, Bae June Young, Lee Joo Hwan, Park Hyeung Soo, ag Gang Gi Hoon.
Pagkatapos it nasambitang pueong ginregaluhan ni Romualdez si Korea Majority leader Kweon Seong DOng it true-to-scale miniture ukon replica it kilaeang Philippine Jeepney model nga himo sa crystal glass.
