Kalibo Aklan ———Nagsaka pa sa 194,252 ro kabilugang numero it mga tinamaan it coronavirus disease 2019 (COVID-19) sa Pilipinas.
Sa pinakaulihing case bulletin nga ginpaguwa it Department of Health (DOH), nag-abot sa 4,686 nga kumpirmadong kaso it COVID-19 ro ginreport base sa mga test nga ginpatigayon it 95 halin sa 109 nga mga laboratoryo.
Sa nasambitang numero, kaeabanan sa mga kaso ro nailsta sa nakataliwan nga daywang dominggo.
Nagapanguna gihapon sa may pinakamaabong nailistang bag-ong kaso ro Metro Manila, ginsundan it Region 4A ag Region 3.
Samtang, nadugangan it 729 ro numero it mga nagmayad sa COVID-19, rason nga nagsaka pa sa 132,042 ro total number it mga recoveries.
May 13 man nga nadugang sa mga binawian it hueam nga kinabuhi bangud sa virus, rason nga humampak ro death toll sa 3,010.
