Nagsumite eon it panibag-ong diplomatic protest ro Pilipinas kontra sa panibag-ong pagbully it China sa barko it Pilipinas sa West Philippine Sea.
Kasunod kara, ginpatawag it Department of Foreign Affairs (DFA) ro sangka senior official it Chinese Embassy para pangayuan it nagakaigo nga eksplenasyon angot sa natabo.
Nataeopangdan nga nagapatigayon it research activity sa West Philippine Sea ro mga ekspertong sakay it barko it Pilipinas, tag natigayon nga magpaeapit ro Chinese vessel.
Samtang, ginatan-aw eon sa makaron it DFA ro mga impormasyon may kaangtanan sa insidente nga nag-eontad sa ginapag-agawan nga teritoryo.
Sa pihak nga parte, gin-insister it DFA ro kadaeag-an it nasyon sa Permanent Court of Arbitration ku nagtaliwan nga 2016 angot sa isyu it teritoryo sa nasambit nga bahin it baybayon.
