Nagpanawaga ro Philippine Constitution Association (PhilConsa) sa Senado nga padayunon ro impeachment trial kontra kay Vice President Sara Duterte matapos ibalik ro reklamo sa Kamara bangud sigon sa constitutional infirmities.
Suno kay retired Chief Justice Reynato Puno, pinuno it PhilConsa, nagtuga ro aksiyon it Senado it seryosong constitutional issues.
Gintumod nana ro posibleng grave abuse of discretion sa pagsuspinde it hurisdiksiyon it Senado bilang impeachment court ag ro pageabag sigon sa eksklusibong kapangyarihan it Kamara sa idaeom it Konstitusyon.
Ginpamilit it grupo ro epekto it bag-ong procedural requirements, nga uwa sa Konstitusyon ukon Senate rules, nga nagiging rason it delay ag posibleng nakakaapekto sa pagiging patas it impeachment process.
Ginpadumdum man it PhilConsa ro prinsipyo it pagpadayon it hurisdiksiyon, nga suportado it Korte Suprema sa kasong Republic vs Sandiganbayan ku 1997.
Ro impeachment sigon hay mahaegang mekanismo it pagsabat it mga opisyal it gobyerno nga indi dapat ma-delay ro mga partidistang hueag ukon procedural nga pagbaeabag.
Ginengganyo it grupo ro Senado nga tumanon ro andang obligasyon sa idaeom it Konstitusyon ag padayunon ro pagbista base sa rule of law.
