Gin-engganyo ni Senadora Loren Legarda ro Philippine Health Insurance Corporation (PhilHealth) nga gamiton ro andang surplus funds agud paeaparon ro mga benepisyo ag siguraduhon ro maayos nga implementasyon it Universal Health Care (UHC) Law.
Gin-usisa ni Legarda ro pondo ag pagdumaea it PhilHealth matapos sanda nga kakasan it P74-billion pesos nga subsidiya sa proposisyong general appropriations para sa 2025.
Pagaeauman it PhilHealth ro andang surplus ag reserve funds para pondohan ro operasyon sa masunod nga dag-on.
Suno pa kana, dapat gamiton it PhilHealth ro PHP 150 billion pesos nga surplus kara para masiguro nga ro kada Pilipino hay may access sa dekalidad nga serbisyong pang ikamayad nga eawas.
Nauna eon nga ginpahayag ni PhilHealth Senior Vice President Renato Limsiaco Jr. nga ro ahensya hay may kabilugang assets nga PHP 628.2 bilyon pesos ko Oktubre 2024, kaibahan ro PHP 281 billion pesos reserve ag PHP 150 billion pesos surplus funds.
