Gin-anunsyo it Philippine Health Insurance Corporation (PhilHealth) ro mabahoe nga pagpaeawig it benepisyo para sa mga miyembro makaron nga dag-on, kun siin gaabot sa ₱378 bilyon hasta ₱400 bilyon ro pondo para sa benepisyo—haeos tatlong beses nga mas mataas kumpara ku 2023.
Kasunod raya it pagbalik it ₱60 bilyong pondo sa ahensya sandig sa direktiba ni Pangueong Ferdinand Marcos Jr.
Ginpaeawig ro maternity care package ag tumaas man ro coverage para sa pag-unga ag konektado nga serbisyong medikal.
Ginpabaskog man ro primary care sa idaeom it YAKAP program nga may libu-libong accredited clinics, ag ro GAMOT program nga may hasta ₱20,000 nga pondo para sa outpatient medicines.
Ginasueong man ro pagpaeawig it “No Balance Billing” policy para mabawasan ro gaeastuson it mga pasyente sa mga ospital.
