Ginpaeawig it Philippine Health Insurance Corporation (PhilHealth) ro maternity care benefit package kara para mabawasan ro gaeastuson it mga nabdos ag mapanaba ro maternal mortality sa nasyon.
Base sa Philippine Statistics Authority, umabot sa 1,852 ro maternal deaths ku 2024 ukon 119 kada 100,000 live births, nga mas manaba kumpara ku 2020 apang eampas gihapon sa target it United Nations nga 70 kada 100,000 pag-abot it 2030.
Sakop it ginpaeawig nga benepisyo ro bilog nga serbisyo sa pabnabdos halin prenatal check-up, pag-unga, hasta postpartum care, kaibahan ro case management ag bulig it assigned health coordinator.
Ginpataas man ro reimbursement para sa nagkeain-eain nga serbisyong medikal kapareho it normal delivery ag Caesarian section para masiguro ro mas maeawig nga sakop it benepisyo sa mga accredited facilities.
Ginsigurado it PhilHealth nga tuyo it programa ro mas euwas nga pag-unga ag mas manabang maternal deaths sa nasyon.
