Ginpamalibaran it Philippine Health Insurance Corporation (PhilHealth) ro pagtaeana it haeos P138 million pesos para sa andang Christmas party.
Suno sa state health insurance, ro nasambit nga haega hay gintaeana para sa pagselebrar it andang ika-30 nga anibersaryo para sa masunod nga dag-on nga sandig sa pag-obserba it National Health Insurance Month kada buean it Pebrero nga gindeklara sa bisa it Proclamation 1400 series of 2007.
Nagasunod sigon ro Philhealth sa direktiba it Malacañang nga himuon nga simple ro selebrasyon it mga ahensiya it gobyerno para makaron nga Christmas season.
Ginhimo it Philhealth ro nasambit nga pagklaro bilang pagpamaeabag sa social media post ni health reform advocate Dr. Tony Leachon nga nagbulgar sa screenshot it dokumento it Philhealth nga nagapakita nga kapin sa P137,766,032 nga pondo ro gintaeana para sa nagkaeain-eain nga items kaparehas it mga token, giveaways, commemorative medals ag iba pa.
