KALIBO, Aklan—Hugot nga nagapamaeabag ro Philippine Initiative for Environmental Conservation (Philincon) sa ginaproponer nga pagpatindog it hydro power plant nga pagapondohan it San Miguel Corporation sa bahin it Nabaoy river nga sakop it banwa it Malay.
Suno kay Dr. Rebecca Barrios, Board of Trustees it Philincon nga insigida sanda nga nagpagguwa it petesyon para kontrahon ro nasambit nga proyekto.
Gin-insister pa ni Barrios nga mabahoe ro magiging epekto kara sa kalikasan ag lokal nga komunidad engkaso nga madayun.
Owa man sigon sanda naila nga mauyang ro masobra 25 anyos nanda nga pagprotekta sa nasambit nga lugar agud ma-preserba ro mga endangered species.
Ginakabaeak-an man nanda ro pag-angkon it long-term effect sa palibot ag ro posibilidad nga magresulta it pag-submerged it pilang parte it lugar.
Nasayuran nga nagabalor it masobra P26.3 billion ro gina-proponer nga 300-megawatt hydro power plant nga ginakaeakipan it upper ag lower dam.
