KALIBO, Aklan–Gin-insister it Philippine Army nga miyembro it New People’s Army (NPA) ro sangka babaye nga napatay sa natabo nga engkwentro ko Abril 1 sa Brgy. Dalagsaan, Libacao.
Raya hay sa tunga it mga nagaguwa nga pahayag it NPA nga ordinaryong mangunguma eamang ro babaye nga napatay sa bakbakan sa tunga it military ag bukon it andang miyembro.
Suno kay Captain Kim Apitong, tagapaghambae it 3rd Infantry Division nga bukon eon it bag-o ro nasambit nga estilo it NPA bangud masami nanda raya nga gina-ubrang alibi kun may nagakamatay sa andang grupo.
Madumduman nga natabo ro bakbakan ko Abril 1 samtang nagapatrolya ro tropa it 12 Infantry Battalion sa idaeom it operational control it 301st Infantry (BAYANIHAN) Brigade sa nabukid nga porsyon it nasambit nga lugar.
Narekober ro bangkay it babayeng rebelde kaiping it sangka home-made shotgun, hand grenade, backpack ag pilang personal nga kagamitan matapos ro haeos 15 minuto nga bakbakan.
