KALIBO, Aklan–Haum eon ro bilog nga pwersa it Philippine Army para magtao it seguridad sa May 9, 2022 national and local elections.
Suno kay Captain Kim Apitong, tagapaghambae it 3rd Infantry Division it Philippine Army nga kapin sa 3,000 ka mga personnel ro andang gindeploy.
Kadungan raya it ginpatigayon nga multi-agency send-off ceremony sa Camp Martin Delgado kaibahan ro Commission on Elections (Comelec), Philippine National Police (PNP) ag Philippine Coast Guard (PCG).
Suno kay Captain Apitong, owa pa sanda it nailista nga anumang election-related incident rason nga nagaeaum sanda nga magapadayun raya hasta nga matapos ro eleksyon.
Sa kamatuoran suno kana hay nag-umpisa eon ro pila sa andang aktibidad ko Mayo 6 kaeakip ro pag-inspeksyon sa andang mga kagamitan para malikawan ro anumang aberya.
Sa pihak kara, hugut sigon nanda nga ginatutukan makaron ro mga natumod nga areas of concern it Comelec para masiguro ro matawhay nga botohan.
