Naging madinaeag-on ro ginpatigayon nga territorial defense simulation it Philippine Army sa Northern Luzon bilang kaparte it Armed Forces of the Philippines (AFP) Joint Exercise (AJEX) “DAGITPA” ukon Dagat-Langit-Lupa.
Sa idaeom it nasambit nga simulation hay nagpatigayon ro Philippine Army it live drill nga sumentro sa uman nga pagkubkub sa teritoryo it Pilipinas sa pagpanguna it mga army batallion ag iba pang major units kaparehas it Joint Military Operations, Counter Landing Operations, ag Special Forces Operations.
Ginpatigayon ro nasambit nga simulation sa La Paz sand dunes sa Ilocos Norte.
Sa ibang simulation, naghimo ro mga tropa it Philippine Army ag Australian Army it Jungle Survival ag Combat Tracking drill sa Camarines Sur.
Raya hay kaparte it Exercise Kasangga 29-2 sa tunga it daywang nasyon.
Sa idaeom it nasambit nga drill, 47 soldadong Pilipino ag 50 Australian Army personnel ro sumabak sa survival, tracking, ag combat exercises, sa sueod it waeong kilometrong kagueangan sa Bicol Region.
Haeos magkadungan ro mga joint exercises nga ginpatigayon it Philippine Army kaibahan ro iba pang Armed Forces of the Philippines units ag mga military units it ibang nasyon.
