Nagahimo it sariling imbestigasyon ro Philippine Army angot sa ginasugid nga nga Army reservist nga miyembro it Angels of death.
Sa hearing nga balitaan sa Kampo Aguinaldo, ginghambae ni PA spokesperson Col. Louie Dema-ala nga sa anda nga sariling internal investigation, uwa pa sanda it natukiban nga reservist nga kaibahan sa ginasugid nga armadong grupo ni Kingdom of Jesus Christ (KOJC) leader Pastor Apollo Quiboloy.
Pagsiguro ni Dema-ala, sa oras nga masayran nanda nga may kaibahan nga army sa mismong kaso hay indi sanda magduha-duha nga pasakaan raya it nagakaigo nga kaso.
Una man nga gin anunsyo nga ginkumpirma it Armed Forces of the Philippines (AFP) nga may sa masubra 500 nga army reservist eon nga miyembro it KOJC.
Suno kay Col. Rey Balido, Deputy Chief, Public Affairs Office it Philippine Army, 2015 pa accredited sa PA reservist ro media network ni Quiboloy nga tginatawag nga 2nd signal battalion Philippine Army reserve unit.
Samtang, madumduman nga ginpamalibaran it kampo ni Quiboloy ro alegasyon angot sa Angel of death, suno sa legal counsel kara nga si Atty. Israelito Torreon, uwa it private army ro pastor ag mismong private prayer warriors eang.
